पार्टीको लेटरप्याड दुरुपयोग गरेको भन्दै जसपा प्रचार विभाग प्रमुखविरुद्ध उजुरी

काठमाडौं। जनता समाजवादी पार्टी (जसपा) को लेटरप्याड दुरुपयोग गरेको आरोपमा पार्टीका प्रचार विभाग प्रमुख पूर्णबहादुर बस्नेतको राजीनामा माग भएको छ ।

जसपा अन्तर्गतका १० प्लस १ राष्ट्रिय समितिका अध्यक्षहरूले आइतबार प्रेस विज्ञप्ति जारी गरी उनको राजीनामा माग गर्दै माग गर्दै अध्यक्ष उपेन्द्र यादवसमक्ष उजुरी दिएका हुन्।

राष्ट्रिय समितिका अध्यक्षहरूले संघीय परिषद्का अध्यक्ष, कार्यकारिणी समितिका अध्यक्षलाई भेटेको विषयमा जारी गरेको विज्ञप्ति फिर्ता लिएर पदबाट राजीनामा दिन माग गरेका छन् ।

माघ ५ गते विभिन्न तीनवटा प्रतिष्ठानमा सरकारले गरेको नियुक्तिको विरोधमा जसपाको तर्फबाट प्रचार विभाग प्रमुख बस्नेतले विज्ञप्ति जारी गरेका थिए ।