काठमाडौं । कोशी प्रदेशका निवर्तमान मुख्यमन्त्री केदार कार्कीको रिटमा सुनुवाइ हुँदैछ । कार्कीले आफ्नो पुनर्वहालीको माग गर्दै सर्वोच्च अदालतमा दायर गरेको रिटमाथि सुनुवाइ आइतबार हुँदैछ ।
यसमाथि गत जेठ ३१ गते भएको सुनुवाइ ‘हेर्दाहेर्दै’मा राखिएको थियो । रिट सुनुवाइका लागि नकुल सुवेदी, कुमार रेग्मी र अब्दुल अजिज मुसलमानको इजलासमा पेशी चढेको छ ।
गत बिहीबार निवेदकका तर्फका कानून व्यवसायीको तर्फबाट मात्रै बहस भएको थियो । अब प्रतिवादीका तर्फबाट बहस हुनेछ ।
संविधानको धारा १६८ को ५ अनुसार मुख्यमन्त्री बनेका कार्कीले आफूलाई हटाउन नमिल्ने तर्क गर्दै आएका छन् । तर, त्यहाँ अहिले नेकपा (एमाले) का हिक्मत कार्की मुख्यमन्त्री बनेका छन् ।
केदार कार्कीले उनलाई हटाउन र आफूलाई पुनर्वहाली गर्न रिटमार्फत माग गरेका छन् ।
Facebook Comment
Comment