काठमाडौं । जर्मनी युरो कपको अन्तिम १६ मा पुगेको छ । स्विट्जरल्यान्डलाई बराबरीमा रोक्दै आयोजक जर्मनी समूह ‘ए’ को विजेता बनेर अन्तिम १६ मा प्रवेश गरेको हो ।
निकलास फुलक्रुगले इन्जुरी समयमा गोल गरेपछि जर्मनी र स्विट्जरल्यान्डबिचको खेल १–१ को बराबरीमा टुङ्गिएको हो ।
आज बिहान भएको खेलमा स्विट्जरल्यान्डले सुरुवाती अग्रता लिएको थियो । खेलको २८ औँ मिनेटमा डान एनडोयोले स्विस टोलीलाई अग्रता दिलाएका थिए । तर
९२ औँ मिनेटमा फुलक्रुगले स्विट्जरल्याण्डविरुद्ध एक गोल हाने । योसँगै जर्मनीले प्रतियोगितामा आफ्नो अपराजित यात्रा जारी राखेको छ ।
बराबरीपछि ३ खेलबाट जर्मनीको ७ अंक भएको छ । स्विस टोलीले समान खेलबाट ५ अंक जोडेको छ ।
यस समूहको अन्य खेलमा हंगेरीले स्कटल्यान्डलाई १–० गोलले हरायो ।
यो नतिजापछि हंगेरीले प्रतियोगिताको नकआउट चरण पुग्ने सम्भावना कायमै राखेको छ भने स्कटल्यान्ड प्रतियोगिताबाट बाहिरिएको छ ।
हंगेरीको ३ अंक छ भने स्कटल्यान्डको १ अंक मात्र छ ।
![](https://www.nepalviews.com/wp-content/uploads/2024/06/german.webp)
![](https://www.nepalviews.com/wp-content/uploads/2024/06/g2.jpg)
Facebook Comment
Comment