काठमाडौं । प्रहरी नायव महानिरीक्षक (डीआइजी) पोषराज पोखरेललाई प्रहरी अतिरिक्त महानिरीक्षक (एआइजी) पदमा बढुवाका लागि सिफारिस गरिएको छ ।
बिहान बसेको बढुवा समितिको बैठकले पोखरेललाई बढुवा सिफारिश गरेको हो ।
पोखरेल अहिले काठमाडौं उपत्यका ट्राफिक प्रहरी कार्यालय रामशाहपथमा कार्यरत छन् ।
एआईजी उमेशराज जोशी असार १९ बाट अवकाशमा जाँदैछन् । उनको स्थानमा पोखरेलाई बढुवा सिफारिस गरिएको हो ।
एआईजीको फुली लगाएको २ दिनमै पोखरेल पनि अनिवार्य अवकाशमा जानेछन् । पोखरेल पनि ५६ वर्षे उमेर हदका कारण जोशी अवकाशमा गएको २ दिनपछि असार २० गते राति १२ बजेबाट ५६ वर्षे उमेर हदकै कारण अनिवार्य अवकाशमा जानेछन् ।
एआइजी बढुवा समितिमा गृहमन्त्रालयका सचिव अध्यक्ष र प्रधानमन्त्री कार्यालयका सचिव सदस्य छन्। प्रहरी महानिरीक्षक सदस्य सचिव रहने व्यवस्था छ ।
![](https://www.nepalviews.com/wp-content/uploads/2024/06/att.yl-6bzIy9IP3UC5idvQChj-iu_7aeQuc922FPncHEII.jpg)
Facebook Comment
Comment