काठमाडौं । आईसीसी टी–२० विश्वकप २०२४ को फाइनल खेल भारत र दक्षिण अफ्रिकाबीच शनिबार बार्बाडोसमा हुँदैछ ।
तर, प्रतियोगिताको फाइनल खेल नजिकिँदै गर्दा यो प्रतियोगिताको पुरस्कार राशि कति हो भन्ने प्रश्न फ्यानहरूको मनमा उठेको छ ।
विजेता वा उपविजेता टोलीले कति पैसा पाउनेछन् ? सेमिफाइनल पुग्ने टोलीले कति पाउँछन् ?
आईसीसीले यो टी-२० विश्वकपको लागि अहिलेसम्मकै ठूलो पुरस्कार रकम राखेको छ । अहिलेसम्म प्रतियोगिताको एउटै संस्करणमा यति धेरै पुरस्कार राशी राखिएको छैन ।
जानौं, विश्वकपका विजेता, उपविजेता, सेमिफाइनल, सुपर-८ मा एलिमिनेशन खेल्ने टोलीले कति पैसा पाउनेछन् ?
विश्वकपको पुरस्कार राशि कति छ ?
आईसीसीले टी–२० विश्वकप २०२४ को कुल पुरस्कार राशि ११.२५ मिलियन अमेरिकी डलर अर्थात् ९३.५१ करोड भारू राखेको छ ।
यो टी-२० विश्वकप जुनसुकै टोलीले जित्छ, नोटको भारी वर्षा हुनेछ । अहिलेसम्म टी–२० विश्वकप जित्ने टोलीले त्यति रकम पाएको छैन ।
आईसीसीले सन् २०२४ को टी–२० विश्वकप जित्ने टोलीलाई २.४५ मिलियन अमेरिकी डलर (२०.३६ करोड रूपैयाँ) पुरस्कार दिने घोषणा गरेको छ ।
जबकी आईपीएल जित्ने टिमले २० करोड मात्रै पाउँछ । साथै, विश्वकपको उपविजेताले १.२८ मिलियन अमेरिकी डलर (१०.६४ करोड रूपैयाँ) प्राप्त गर्नेछ ।
सेमिफाइनल पुग्ने टोली र सुपर-८ मा पुग्ने टोलीमाथि पनि पैसाको वर्षा हुनेछ ।
सेमिफाइनल पुग्ने टोलीले पुरस्कारस्वरूप ७ लाख ८७ हजार ५०० अमेरिकी डलर (६.५४ करोड) पाउनेछन् ।
यसबाहेक सुपर–८ पुग्ने टोलीले ३ लाख ८२ हजार ५ सय अमेरिकी डलर (३ करोड १७ लाख भारू) पाउनेछन् । जबकि ९औं देखि १२औं स्थानमा रहने टोलीले २ लाख ४७ हजार ५०० अमेरिकी डलर (२ करोड ५ लाख भारू) पाउनेछन् ।
यति मात्र होइन १३औं देखि २०औं स्थानमा रहने टोलीले पनि पैसा पाउनेछन् । ती टोलीहरूलाई २ लाख २५ हजार अमेरिकी डलर (१.८७ करोड रूपैयाँ) पुरस्कार दिइनेछ ।
सूचीमा हेरौं-
विजेता – २०.३६ करोड भारू (२.४५ मिलियन डलर)
उपविजेता- १०.६४ करोड भारू (१.२८ मिलियन डलर)
सेमिफाइनल- ६.५४ करोड (७ लाख ८७ हजार ५०० डलर)
सुपर-८ पुग्ने टोलीहरू- रू ३.१७ करोड (३ लाख ८२ हजार ५०० अमेरिकी डलर)
९ औं देखि १२ औं स्थानमा रहने टोलीहरू- रू २.०५ करोड (२ लाख ४७ हजार ५०० अमेरिकी डलर)
१३औं देखि २०औं स्थानसम्मका टोलीहरू – रू १८७ करोड (२२५,००० अमेरिकी डलर)
Facebook Comment
Comment