काठमाडौं । नेपाल समाजवादी पार्टीका गण्डकी प्रदेशसभा सदस्य फणिन्द्र देवकोटा पुनः मन्त्री बन्दै ऊर्जा, जलस्रोत तथा खानेपानी मन्त्रालयको जिम्मेवारी फर्कने भएका छन् ।
यसअघि मन्त्री बनेको तीन दिनमै पदमुक्त भएका देवकोटालाई पुरानै मन्त्रालयको जिम्मेवारी प्रदान गर्न लागिएको हो ।
कांग्रेसबाट मुख्यमन्त्री बनेका सुरेन्द्रराज पाण्डेलाई विश्वासको मत दिएपछि नेकपा माओवादी केन्द्रले उनलाई कारबाही गरे लगत्तै माओवादीबाट प्रदेशको सभामुख बनेका कृष्ण धितालले पदमुक्त गरेको थिए ।
माओवादीको कारबाही विरुद्ध सर्वोच्च अदालत पुगेका देवकोटालाई गत सोमबार सर्वोच्चले उनीमाथि गरिएको कारबाही कार्यान्वयन नगर्न आदेश दिएको थियो ।
देवकोटालाई गण्डकीका प्रदेश प्रमुख कार्यालयका डिल्लीराज भट्टले आइतबार बिहान साढे १० बजे नेपाल पर्यटन बोर्डको सभाहलमा शपथ खुवाउने तयारी रहेको मुख्यमन्त्री पाण्डेको सचिवालयले जनाएको छ ।
Facebook Comment
Comment