काठमाडौं । बेरील आँधीका कारण आईसीसी टी-२० विश्वकप विजेता टोली भारतीय टोली बार्बाडोसमा फसेको छ ।
टोली फाइनलको भोलिपल्टै स्वदेश फर्किने तयारी थियो । तर, आँधीका कारण टोली स्वेदश प्रस्थान गर्न नसकेको भारतीय सञ्चारमाध्यमले जनाएका छन् ।
रिपोर्टका अनुसार बीसीसीआईले चार्टर्ड उडानबाट टीम इण्डियालाई फिर्ता ल्याउने तयारी गरेको छ ।
पीटीआईका अनुसार टोली बुधबार साँझ ७।४५ बजेसम्म दिल्ली पुग्ने अपेक्षा गरिएको छ ।
यहाँ आएपछि प्रधानमन्त्री नरेन्द्र मोदीले खेलाडीहरुलाई सम्मान गर्ने भएपनि त्यो कार्यक्रमको पुष्टि भने भएको छैन ।
एट्लान्टिक महासागरमा आएको बेरिल आँधीका कारण २ सय १० किलोमिटर प्रतिघण्टाको गतिमा हावा चलिरहेको छ ।
यो श्रेणी ४ को आँधी बार्बाडोसबाट करिब ५७० किलोमिटर पूर्व–दक्षिणपूर्वमा रहेको र यसका कारण विमानस्थलको उडान अवरुद्ध भएको छ ।
भारतीय टोली १७ वर्षपछि यस प्रतियोगितामा च्याम्पियन बनेको छ ।
Facebook Comment
Comment