बैङ्लोरमाथि गुजरातको आठ विकेटको जित

काठमाडौं । इन्डियन प्रिमियर लिग (आईपीएल) क्रिकेटमा गुजरात टाइटन्सले रोयल च्यालेन्जर्स बैङ्लोरमाथि जित हासिल गरेको छ ।

बैङ्गलोरमा बुधबार राति भएको खेलमा गुजरातले घरेलु टोलीमाथि आठ विकेटको जित हासिल गरेको हो ।

बैङ्लोरले दिएको १७० रनको लक्ष्य गुजरातले मात्र दुई विकेट गुमाएर १३ बल बाँकी छँदै पूरा गर्यो ।

गुजरातको जितमा जोस बटलरले अर्धशतकीय पारी खेले । उनले अविजित रहँदै सर्वाधिक ७३ रन बनाए । उनी खेलको सबैभन्दा मूल्यवान खेलाडी बने । यस्तै साई सुदर्शनले ४९ रन जोडे ।

शेर्फान रुथरफोडैले अविजित ३० तथा कप्तान शुभमन गिलले १४ रन बनाए ।

बैङ्लोरका लागि कुनै पनि बलरले उल्लेख्य प्रदर्शन गर्न सकेनन् । एक विकेट लिएर भुवनेश्वर कुमारको इकोनमी राम्रो रह्यो ।

यसअघि टस हारेर ब्याटिङ गरेको बैङ्लोरले निर्धारित २० ओभरमा आठ विकेट गुमाएर १६९ रन जाडेको थियो ।

उसका लागि लिम लिभिङस्टोनले अर्धशतकसहित सर्वाधिक ५४ रन बनाए ।

गुजरातका लागि मोहम्मद सिराजले राम्रो इकोनमीसहित सर्वाधिक तीन विकेट लिए । उनी खेलका उत्कृष्ट खेलाडीसमेत घोषित भए ।

जारी प्रतियोगितामा गुजरातको तेस्रो खेलमा दोस्रो जित हो । ऊ चार अङ्कसहित लिगको चौथो स्थानमा छ ।

यस्तै समान नतिजा ल्याएको बैङ्लोर नेट रनरेटका आधारमा तेस्रो स्थानमा छ ।

पञ्जाबको दुई खेलमा शतप्रतिशत नतिजा, लखनऊलाई सहजै हरायो