बिस्का जात्राको चौथो दिन : कुम्हाले टोलमा ठड्याइयो हात नभएको लिङ्गो (तस्वीरहरू)

नेपालभ्युज

भादगाउँ । भक्तपुरको प्रसिद्ध बिस्का जात्राको चौथो दिन आइतबार तालाक्वस्थित कुम्हाले टोलमा ‘ल्हा मरुम्ह योसिद्यः (हात नभएको लिङ्गो) ठड्याइएको छ ।

त्यसैगरी आइतबार साँझ यसीँख्यमा ५५ हात लामो योसिद्यः ठड्याइएको छ ।

पुरानो वर्षको बिदाइ र नयाँ वर्षको आगमनको अघिल्लो दिन उठाउने योसिद्यःको टुप्पोमा प्रसादको रुपमा हरियो घाँस र फूल राखिन्छ ।

प्रत्येक वर्ष चैत्र मसान्तका दिन योसिद्यः ठड्याउने र वैशाख ५ गतेका दिन सो ढालेपछि नौ दिन आठ रात लामो बिस्का जात्राअन्तर्गत योसिद्यःको जात्रा सम्पन्न हुन्छ ।